20!

Bára vinkona mín varð 20 ára um daginn og hélt lítið og sætt stelpu teiti uppfullt af gleði, kökum og blöðrum. Pastellitur var ríkjandi þar sem þema boðsins var Sofia Coppola. 

Við stelpurnar gáfum henni gjöf saman og í henni var ein hönnunarbók og einnig bleikur trefill (Verndarhendur) frá íslenska hönnunarfyrirtækinu Vík Prjóndóttir. 

Einnig mætti ég með polaroid vélina mína, tók myndir í afmælinu og gaf henni sem gjöf.

Hér fyrir neðan eru nokkrar vel valdar myndir sem ég tók...samt ekki með polaroid ;) 

Yndislegt kvöld í alla staði. 

Hasse Nielsen for Cover August 2011

Tískusyrpa tekin af Hasse Nielsen fyrir dansa blaðið Cover. Fýla syrpuna í tætlur líkt og blaðið Cover.

Ekta Útsala!

Jæja núna eru útsölur á Íslandi í fullri siglingu. Maður leggur vinnu í það að fara í Kringluna/Smáralind til að reyna gera kosta kaup en maður verður alltaf fyrir vonbrigðum. Oft er auglýst 50-70% afsláttur! og síðan fer maður með von í hjarta sem er fljótlega er drepin þegar í búðina er komið. Aðeins eitt afsláttarborð með gömlum tuskum, VEI! ég elska útsölur. Ég viðurkenni það alveg að vera stundum heppin, eins og um daginn fann ég gullfallegan og klassískan svartan kjól í Zöru en sá fjarsjóður er aðeins einstök heppni.

Ég vil samt sem áður ekki alhæfa allar búðir á Íslandi, það eru auðvitað búðir sem leggja sitt að mörkum og halda ekta útsölur líkt og búðin Gyllti Kötturinn á Austurstræti. Þar eru vörurnar á 50% afslætti! Skór og föt! Verðdæmi: Skópar er á 7000 kr!

Ég gerði mjög góð kaup í dag þar og mæli með því að allir skutlist þangað, nýtið matarhléð ykkar ef þess þarf. Þessi útsala er þess virði.

Hér eru myndir af skópörunum og skyrtunum sem ég keypti í dag. Spurning að kíkja aftur ;)